ललितपुर । ललितपुरको गाउँ खोकनामा यतिबेला तोरी फुलेर सुन्दर दृश्य देखिएको छ । तोरी फुलेर खोकनाका खेतबारी छपक्क ढाकेको छ ।

खोकना काठमाडौँ नजिकैको तोरीको तेलका लागि प्रख्यात छ । यहाँ स्थानीय कोलबाटै तोरीको तेल पेल्छन् । कतिपयले तोरीकै तेल बेचेर दैनिकी चलाउने पनि गरेका छन् ।

तोरीको तेलको लागि निकै ख्याति कमाएको खोकना र बुंगमती अहिले पहेँलपुर बनेको छ । फाँटमा फुलेर पहेँलपुर तोरीले यहाँको सुन्दरता निकै बढेको छ । शनिबार र बिदाको दिन अहिले आन्तरिक पर्यटकहरु पनि फोटो भिडियो खिच्दै गरेको देखिन्छ ।

तस्बिरहरु : नेपाल फोटो लाईब्रेरी