बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
बिहिवार , बैशाख २४, २०८३
काठमाडौं । रास्वपा सांसद जगदीश खरेलले आफ्नोबारे ‘फेक न्युज’ फैलाइएको भन्दै भ्रममा नपर्न आग्रह गरेका छन् ।
कार्यक्रमका लागि स्विजरल्याण्डमा रहेका उनले बिहिबार सामाजिक सञ्जालमार्फत आफूविरुद्ध सामाजिक सञ्जालमा नियोजित रूपमा ‘फेक न्युज’ फैलाइएको बताएका हुन् ।
उनले भनेका छन्, ‘अहिले म माथि मिडिया ट्रायल भएको छ । केही सञ्चारमाध्यम तथा सामाजिक सञ्जालमा मेरो नाम जोडेर नियोजित रूपमा ‘फेक न्युज’ फैलाइएको छ । कृपया भ्रममा नपर्नु होला । अहिले म कार्यक्रमको सिलसिलामा स्विजरल्याण्डमा छु । गल्ती गरेको छैन । त्यसैले अलिकति पनि डर छैन ।’
उनले आफ्नो इमान नै गन्तब्यको लागि प्रयाप्त भएको बताएका छन् । उनले यस्ता भ्रामक, नियोजित तथा कपोल्कल्पित प्रहारले चरित्र र राजनीतिक भविष्यमाथी प्रहार गर्छु भनेर नसोच्न पनि चेतावनी दिएका छन् ।
उनकोबारे हाल स्मार्ट टेलिकम प्रकरणबारे समाचारहरु आईरहेका छन् ।
यस्तो छ उनको भनाई :
प्रिय शुभचिन्तकहरु,
अहिले म माथि मिडिया ट्रायल भएको छ । केही सञ्चारमाध्यम तथा सामाजिक सञ्जालमा मेरो नाम जोडेर नियोजित रूपमा ‘फेक न्युज’ फैलाइएको छ । कृपया भ्रममा नपर्नु होला । अहिले म कार्यक्रमको सिलसिलामा स्विजरल्याण्डमा छु । गल्ती गरेको छैन । त्यसैले अलिकति पनि डर छैन । सोधे हुन्छ, खोजे हुन्छ, तर सत्य सत्य नै हुन्छ । मेरो इमान नै मेरो गन्तब्यको लागि प्रयाप्त छ । यस्ता भ्रामक, नियोजित तथा कपोल्कल्पित प्रहारले मेरो चरित्र र राजनीतिक भविष्यमाथी प्रहार गर्छु भनेर नसोचे हुन्छ । बाँकी कानूनी उपचार खोज्ने छु।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस