बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
शनिवार , कार्तिक १५, २०८२
काठमाडौं । आईसीसी विश्व क्रिकेट लिग–२ अन्तर्गत यूएईमा जारी एकदिवसीय शृंखलाको तेस्रो खेलमा नेपाल आज अमेरिकासँग प्रतिस्पर्धा गर्दैछ।
दुबईस्थित आईसीसी एकेडेमीमा हुने खेल नेपाली समय अनुसार विहान सवा ११ बजेदेखि सुरु हुनेछ।
जारी शृंखलामा नेपालले हालसम्म खेलेका दुवै खेलमा पराजय व्यहोरेको छ। पहिलो खेलमा नेपाल अमेरिकासँग १०६ रनले लज्जास्पद रूपमा पराजित भएको थियो भने दोस्रो खेलमा बिहीबार यूएईसँग ५ विकेटले हार बेहोरेको थियो।
लगातार दुई खेल गुमाइसकेको नेपालका लागि आजको खेल जित्नैपर्ने दबाब छ। शृंखला बाँकी दुवै खेल जित्न सके मात्रै नेपालको लिग–२ अभियानमा प्रतिस्पर्धात्मक सम्भावना जीवित रहनेछ।
अर्कोतर्फ, अमेरिकाले नेपाल र यूएई दुवैलाई पराजित गर्दै उत्कृष्ट प्रदर्शन कायम राखेको छ। लिग–२ को अंक तालिकामा अमेरिका २२ खेलमा ३२ अंकसहित शीर्ष स्थानमा रहेको छ भने नेपाल १८ खेलमा १२ अंक जोडेर सातौं स्थानमा छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस