काठमाडौं । नेपाल प्रिमियर लिग (एनपीएल) को इलिमिनेटरमा काठमाडौं गोर्खाजले लुम्बिनी लायन्सलाई ११२ रनको लक्ष्य दिएको छ ।
आज टीयु क्रिकेट मैदानमा टस जितेर पहिला ब्याटिङ गरेको काठमाडौं १९ ओभर एक बलमा १११ रनमा अलआउट भएको हो ।
काठमाडौंका लागि सन्तोष यादवले सर्वाधिक २३ रन बनाए । जोन सिम्पसन र मोहम्मद आदिल आलम १८–१८ रन बनाए भने भीम सार्कीले १४ रन बनाए ।
बलिङमा लुम्बिनीका कप्तान रोहित पौडेल र शेर मल्लले ३–३ विकेट लिए । त्यस्तै, रुवेन ट्रम्पलम्यानले दुई विकेट लिँदा अभिषेश गौतमले एक विकेट लिए ।
प्रतिक्रिया दिनुहोस