परराष्ट्रमन्त्री खनालको निर्देशन: 'जनताले पाउने सेवा प्रवाहमा ढिलासुस्ती सैह्य हुँदैन'

सुनौलो नेपाल

बिहिवार , बैशाख ३१, २०८३

परराष्ट्रमन्त्री खनालको निर्देशन: 'जनताले पाउने सेवा प्रवाहमा ढिलासुस्ती सैह्य हुँदैन'

काठमाडौं । परराष्ट्रमन्त्री शिशिर खनालको अध्यक्षतामा मन्त्रालयस्तरीय विकास समस्या समाधान समितिको बैठक सम्पन्न भएको छ ।

त्यस अवसरमा मन्त्री खनालले प्रभावकारी कार्यसम्पादनमा जोड दिँदै समस्या समाधानमा सबैको सहयोग अपरिहार्य भएको बताए । शीघ्र सेवा प्रवाह र समस्या समाधानमा तत्परताका साथ प्रस्तुत हुन उनले निर्देशन पनि दिए । त्यसनिम्ति आफ्नातर्फबाट सहयोग हुने प्रतिबद्धता मन्त्री खनालले व्यक्त गरेको उक्त मन्त्रालयले जनाएको छ ।

बैठकमा आर्थिक वर्ष ०८२/८३ को हालसम्मको कार्यसम्पादनको समीक्षा तथा मूल्याङ्कन भएका थियो । साथै, मन्त्रालयगत कार्यान्वयन प्रक्रियामा देखिएका अवरोध तथा चुनौती समाधान गर्ने विषयमा विस्तृत छलफल गरिएको थियो ।