बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
मंगलवार , जेठ १९, २०८३
काठमाडौं । नेपालस्थित भारतीय दूतावासले नेपालका २५ वटा स्टार्टअपलाई समेटेर भारत–नेपाल स्टार्टअप साझेदारी कार्यक्रमको दोस्रो चरण सुरु गरेको छ।
कार्यक्रममा सहभागी स्टार्टअपहरू कृत्रिम बुद्धिमत्ता, जैविक प्रविधि, स्वच्छ प्रविधि, वित्तीय प्रविधि, स्वास्थ्य प्रविधि, कृषि प्रविधि, विद्युतीय व्यापार, यातायात, उत्पादन तथा निर्माण प्रविधि, दैनिक उपभोग्य वस्तु, अन्तरिक्ष प्रविधि, इन्टरनेटमा आधारित प्रविधि तथा सफ्टवेयर सेवाजस्ता विविध क्षेत्रमा सक्रिय छन्।
कार्यक्रमको उद्घाटन भारतको चेन्नईमा सम्पन्न भएको थियो। उद्घाटन समारोहमा प्राध्यापक, अनुसन्धानकर्ता तथा प्रविधि क्षेत्रका प्रतिनिधिहरूको सहभागिता रहेको थियो।
नेपालका लागि भारतीय राजदूत नवीन श्रीवास्तवले भर्चुअल माध्यमबाट सम्बोधन गर्दै सहभागी स्टार्टअपहरूको विविधता र सम्भावनाको प्रशंसा गरेका थिए। उनले नेपाली स्टार्टअपहरूलाई भारतीय उद्यमशीलता तथा नवप्रवर्तन प्रणालीसँग सहकार्य गर्दै आफ्नो व्यवसाय विस्तार गर्न आग्रह गरेका थिए।
आगामी आठ सातासम्म सहभागी स्टार्टअपहरूले उद्यमशीलता विकाससम्बन्धी विशेष तालिम, कृत्रिम बुद्धिमत्ता सम्बन्धी सीप विकास, लगानीकर्तासमक्ष प्रस्तुति, व्यावसायिक सञ्जाल विस्तार तथा भारतका सम्बन्धित क्षेत्रका स्टार्टअपहरूसँग अनुभव आदानप्रदान र इन्टर्नसिपका अवसर प्राप्त गर्नेछन्।
भारतीय दूतावासले कार्यक्रमले नेपाल र भारतबीच नवप्रवर्तन, प्रविधि र उद्यमशीलताको क्षेत्रमा सहकार्य थप मजबुत हुने विश्वास व्यक्त गरेको छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस