सेयर धितो कर्जामा बैंकहरुको आक्रामक लगानी, नबिल बैंक शीर्ष स्थानमा (सूचीसहित)

आर्थिक ब्यूराे

बुधवार , आषाढ ३, २०८३

सेयर धितो कर्जामा बैंकहरुको आक्रामक लगानी, नबिल बैंक शीर्ष स्थानमा (सूचीसहित)

नबिल बैंकले बैशाख मसान्त, ०८३ सम्म १७ अर्ब ६८ करोड मार्जिन कर्जा प्रवाह गरेको छ, जुन अघिल्लो वर्षको तुलनामा २१ दशलमव १९ प्रतिशतको वृद्धि हो । दोस्रो स्थानमा रहेको ग्लोबल आइएमई बैंकले १४ अर्ब ४६ करोड रुपैयाँ कर्जा प्रवाह गरेको छ भने तेस्रो स्थानमा रहेको कुमारी बैंकको लगानी १० अर्ब ९१ करोड रुपैयाँ पुगेको छ । समीक्षा अवधिमा सरकारी स्वामित्वको कृषि विकास बैंकले सबैभन्दा ठूलो छलाङ मारेको छ ।

वाणिज्य बैंकहरूले सेयर धितो (मार्जिन प्रकृतिको) कर्जा लगानीमा आक्रामक वृद्धि गरेका छन् । चालु आर्थिक वर्षको बैशाख मसान्त, २०८३ सम्ममा बैंकहरूको कुल मार्जिन प्रकृतिको कर्जा प्रवाह अघिल्लो वर्षको सोही अवधिको तुलनामा ३५ दशलमव ३८ प्रतिशतले बढेको छ ।

गत वर्षको बैशाख मसान्तमा रु. १ खर्ब ३ अर्व १३ करोड रहेको यस्तो कर्जा यस वर्षको सोही अवधिसम्म आइपुग्दा बढेर रु. १ खर्ब ३९ अर्व ६२ करोड पुगेको छ । सेयर धितोमा सबैभन्दा बढी कर्जा प्रवाह गर्नेमा नबिल बैंक अग्रस्थानमा रहेको छ ।

बैंकले आफ्नो मार्जिन कर्जा १५६ दशमलव १६ प्रतिशतले बढाएर ८ अर्ब ७० करोड रुपैयाँ पु¥याएको छ । त्यस्तै, एनएमबि बैंकको मार्जिन कर्जा वृद्धिदर पनि १४४ दशमलव ३८ प्रतिशत देखिएको छ ।

एनआईसी एसिया, माछापुच्छ्रे र सानिमा बैंकको वृद्धिदर पनि ९० प्रतिशतभन्दा माथि रहेको छ । बजारमा मार्जिन कर्जाको माग र लगानी बढिरहँदा ३ वटा बाणिज्य बैंकको लगानी भने खुम्चिएको छ ।

नेपाल बैंक लिमिटेडको मार्जिन कर्जा १३ दशमलव ८९ प्रतिशतले घटेर ६ अर्ब ६९ करोडमा सीमित भएको छ । सिटीजन बैंकको कर्जा १४ दशमलव ७२ प्रतिशतले घटेको छ । नेपाल एसबीआई बैंकको कर्जा पनि ७ दशलमव ३३ प्रतिशतले घटेको छ । यता स्टाण्डर्ड चार्टर्ड बैंकले भने गत वर्ष जस्तै यस वर्ष पनि मार्जिन प्रकृतिको कर्जामा कुनै लगानी गरेको छैन ।

वाणिज्य बैंकले सेयरधितो कर्जामा गरेको लगानी