बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
शुक्रवार , जेठ १५, २०८३
काठमाडौं । आदिवासी जनजाति चलचित्र महासङ्घको आयोजनामा “छैटौँ नेपाल आदिवासी जनजाति चलचित्र महोत्सव –२०८३” आयोजना हुने भएको छ । काठमाडौँमा पत्रकार सम्मेलन गर्दै आयोजकले आगामी जेठ १७, १८ र १९ गते तीन दिने महोत्सव आयोजना गर्न लागिएको जानकारी दिएको हो ।
काठमाडौँस्थित चलचित्र विकास बोर्डमा नेपालको आदिवासी जनजाति समुदायको इतिहास, भाषा, लिपि, मिथक, सामुदायिक स्मृति, भू–चेतना, लोक–ज्ञान, आध्यात्मिक अनुभव तथा सांस्कृतिक अस्तित्वलाई दृश्य–श्रव्य माध्यममार्फत पुनर्स्थापित गर्ने ऐतिहासिक उद्देश्यले यो महोत्सव आयोजना गर्न लागिएको महोत्सव निर्देशक सागर केरुङले जानकारी दिए।
महोत्सवमा लिम्बू, नेवारी, गुरुङ, थारु, तामाङ, मगर, भुजेल, माझी तथा राजवंशी समुदायका कथानक चलचित्र, लघु चलचित्र, वृत्तचित्र र एआई जेनेरेटेड वृत्तचित्रहरू प्रदर्शन गरिने आयोजकले जनाएको छ।
महोत्सवमा चलचित्रतर्फ दिनेश लिङदेन निर्देशित “रीत”, अमृतमान महर्जन निर्देशित “स्वयनगु”, जनक गुरुङ निर्देशित “ङोल्स्यो रामरानी”, निमा लामा तामाङ निर्देशित “ह्याङ तामाङ”, तथा अशोक आले मगर निर्देशित “दिलसरा” प्रदर्शन हुँदैछन् ।
यस्तै लघु चलचित्रतर्फ सागर केरुङ निर्देशित “तङसिङ”, हुतबहादुर तामाङ निर्देशित “दुखला ग्यम”, परशुराम चौधरी निर्देशित “बेटी जाइछै सौसरा“, बिपना तामाङ भुजेल निर्देशित “निको पहिचान” तथा विशाल रोक्का मगर निर्देशित “लाहुरेनी” प्रदर्शन हुने जनाइएको छ ।
महोत्सबमा वृत्तचित्र र एआई विधातर्फ अनिल मगर निर्देशित “आग्रे”, होम कुमारी माझी निर्देशित “लदि पुजा” तथा अरविन्द विश्वास निर्देशित एआई जेनेरेटेड वृत्तचित्र “बिराटनगरके प्राचिन राजवंशी” प्रदर्शन हुने आयोजकले जनाएको छ ।
महोत्सव अवधिभर प्रदर्शन गरिएका चलचित्रहरूमध्येबाट उत्कृष्टलाई विभिन्न विधामा पुरस्कृत गरिने भएको छ । महोत्सव निर्देशक केरुङका अनुसार उत्कृष्ट लघु चलचित्र, उत्कृष्ट वृत्तचित्र तथा कथानक चलचित्रतर्फ उत्कृष्ट चलचित्र, उत्कृष्ट निर्देशक, उत्कृष्ट स्क्रिप्ट, उत्कृष्ट अभिनेता, उत्कृष्ट अभिनेत्री, उत्कृष्ट छायाङ्कन, प्रोत्साहन पुरस्कार तथा जुरी अवार्ड प्रदान गरिनेछ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस