संसदमा देखिएको समस्या समाधान गर्न खोज्दा बिपक्षी दलको साथ भएन : सभामुख अर्याल

सुनौलो नेपाल

सोमवार , जेठ १८, २०८३

संसदमा देखिएको समस्या समाधान गर्न खोज्दा बिपक्षी दलको साथ भएन : सभामुख अर्याल

काठमाडौं । प्रतिनिधिसभाका सभामुख डोलप्रसाद अर्यालले संसदमा देखिएको समस्या समाधान गर्न खोज्दा बिपक्षी दलको साथ नपाएको बताएका छन् ।

सोमबार बिपक्षी दलका सांसदहरुले सदनको कामकारवाही अघि बढाउन अवरोध गरेपछि सभामुख अर्यालले बिपक्षी दलका सदस्यहरुलाई पटक–पटक संवाद गर्नको लागि बोलाए पनि बिपक्षी दलबाट समय नपाएको बताए । उनले सभामुखको हैसियतले आफुले सम्वादलाई प्राथमिकता दिएपनि बिपक्षी दलबाट नजरअन्दाज भएपछि प्रक्रिया अनुसार नै अघि बढ्ने अवस्था आएको धारणा राखे ।

सभामुख अर्यालले आइतबार प्रतिनिधिसभा नियमावली पारित गर्ने प्रक्रियालाई पनि संविधान र नियमावली अनुसार नै अघि बढाइएको उल्लेख गरे । सभामुखको हैसियतले आफुले विधेयकमा आएका संशोधनहरुलाई निर्णयार्थमात्रै प्रस्तुत गर्न सक्ने भन्दै उनले स्वीकार गर्ने या अस्वीकृत गर्ने भन्ने सांसदहरुकै बिषय भएको बताए । सभामुख अर्यालले आफुले प्रक्रियामा काम गरिरहेको र कुनै नियम नमिचेको समेत बताए ।