मंगलवार, आषाढ ३० गते २०८३
मंगलवार, आषाढ ३० गते २०८३
मंगलवार, आषाढ ३० गते २०८३
मंगलवार , आषाढ ३०, २०८३
काठमाडौं । काठमाडौं उपत्यकाको सुरक्षा व्यवस्थालाई लक्षित गरी प्रहरीले चलाएको विशेष निगरानीका क्रममा पछिल्लो २४ घण्टामा ६४ जना शंकास्पद व्यक्तिलाई नियन्त्रणमा लिएको छ । शंकास्पद गतिविधिमा संलग्न रहेको आरोपमा उपत्यकाका तीनवटै जिल्लाबाट उनीहरूलाई नियन्त्रणमा लिइएको हो ।
काठमाडौं उपत्यका प्रहरी कार्यालयका अनुसार नियन्त्रणमा लिइएकामध्ये काठमाडौंबाट ५२ जना, ललितपुरबाट ६ जना र भक्तपुरबाट ६ जना रहेका छन् । उनीहरूमाथि प्रहरीले निगरानी बढाएर सोधपुछ तथा आवश्यक छानबिन अघि बढाएको छ ।
यसैगरी, सोही अवधिमा प्रहरीले विभिन्न आपराधिक तथा देवानी मुद्दामा अदालतबाट दोषी ठहर भई सजाय भुक्तान गर्न बाँकी रहेका तथा फरार सूचीमा रहेका २९ जना प्रतिवादीहरूलाई पनि पक्राउ गरेको छ ।
पक्राउ परेका फरार प्रतिवादीहरूलाई आवश्यक कानुनी कारबाहीका लागि सम्बन्धित जिल्ला अदालतहरूमा बुझाउने तयारी भइरहेको छ भने नियन्त्रणमा लिइएका अन्य शंकास्पद व्यक्तिहरूमाथि पनि सुक्ष्म अनुसन्धान भइरहेको प्रहरीले जनाएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस