शनिवार, आषाढ ६ गते २०८३
शनिवार, आषाढ ६ गते २०८३
शनिवार, आषाढ ६ गते २०८३
शनिवार , आषाढ ६, २०८३
काठमाडौं । फिफा विश्वकप २०२६ अन्तर्गत समूह ‘सी’ को खेलमा ब्राजिलले हाइटीलाई ३–० ले पराजित गर्दै प्रतियोगितामा आफ्नो पहिलो जित दर्ता गरेको छ ।
फिलाडेल्फिया स्टेडियममा सम्पन्न खेलमा ब्राजिलले पहिलो हाफमै तीन गोल गर्दै जितको आधार तयार पारेको थियो । माथेउस कुन्हाले २३ औं र ३६ औं मिनेटमा दुई उत्कृष्ट गोल गर्दै टोलीलाई बलियो अग्रता दिलाए। त्यसपछि पहिलो हाफको इन्ज्युरी समयमा भिनिसियस जुनियरले सुन्दर फिनिसिङ गर्दै ब्राजिलको अग्रता ३–० पुर्याए । यो यस विश्वकपमा उनको दोस्रो व्यक्तिगत गोल हो ।
मुख्य खेलाडी नेयमारको अनुपस्थितिमा पनि ब्राजिलले प्रभावशाली प्रदर्शन गर्यो । राफिन्हा पहिलो हाफमै चोटका कारण मैदान छाड्न बाध्य भए पनि टोलीको प्रदर्शनमा त्यसको खास असर देखिएन । भिनिसियस, कुन्हा र अन्य आक्रमणकारी खेलाडीहरूले हाइटीको रक्षापंक्तिमाथि निरन्तर दबाब सिर्जना गरेका थिए ।
पहिलो हाफमा बल नियन्त्रण, पासिङ र आक्रमणका सबै पक्षमा हाबी बनेको ब्राजिलले हाइटीलाई खेलमा फर्किने कुनै अवसर दिएन । कुन्हाको पहिलो गोल भिनिसियसको प्रयासपछि सिर्जना भएको अवसरबाट आएको थियो भने दोस्रो गोलमा उत्कृष्ट संयोजनात्मक आक्रमण निर्णायक बन्यो ।
दोस्रो हाफमा भने ब्राजिल तुलनात्मक रूपमा शान्त देखियो । प्रशिक्षकले प्रमुख खेलाडीलाई आराम दिने उद्देश्यले विभिन्न परिवर्तन गरेपछि टोलीले खेल नियन्त्रणमा केन्द्रित रह्यो । गाब्रियल मार्टिनेली र युवा फरवार्ड एन्ड्रिक मैदान प्रवेश गरे पनि थप गोल हुन सकेन। एन्ड्रिकले गोल गरेजस्तो देखिए पनि अफसाइडका कारण उक्त गोल मान्यता पाउन सकेन ।
यो जितसँगै ब्राजिलले समूह ‘सी’ मा महत्वपूर्ण तीन अंक जोड्दै नकआउट चरण पुग्ने सम्भावनालाई थप बलियो बनाएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस