शनिवार, आषाढ ६ गते २०८३
शनिवार, आषाढ ६ गते २०८३
शनिवार, आषाढ ६ गते २०८३
शनिवार , आषाढ ६, २०८३
काठमाडौं । फिफा विश्वकप २०२६ अन्तर्गत समूह ‘सी’ को दोस्रो खेलमा ब्राजिलले हाइटीविरुद्ध पहिलो हाफमै ३–० को अग्रता बनाएको छ । मुख्य स्टार नेयमारको अनुपस्थितिमा पनि ब्राजिलियन अग्रपंक्तिले मैदानमा उत्कृष्ट साम्बा म्याजिक देखाएको छ ।
खेलमा म्याथेस कुन्हाले सानदार प्रदर्शन गर्दै ब्राजिललाई सुरुवाती अग्रता दिलाएका थिए । त्यसपछि खेलको ३६ औं मिनेटमा व्यक्तिगत दोस्रो गोल गर्दै उनले टोलीको अग्रता दोब्बर बनाए ।
पहिलो हाफको इन्ज्युरी समयको तेस्रो मिनेटमा भिनिसियस जुनियरले आकर्षक गोल थपेपछि ब्राजिल ३–० को बलियो स्थितिमा पुग्यो । जारी विश्वकपमा भिनिसियसको यो व्यक्तिगत दोस्रो गोल हो ।
राफिन्हा, कुन्हा र भिनिसियस सम्मिलित ब्राजिलको नयाँ आक्रमण पंक्ति सामु हाइटीको डिफेन्स पूर्ण रूपमा असफल देखिएको छ। पछिल्ला ६ खेलमा क्लिन सिट राख्न नसकेर आलोचित बनेको ब्राजिलियन टोलीले आज रक्षापंक्ति र आक्रमण दुवैमा उत्कृष्ट सन्तुलन देखाएको छ।
पहिलो खेलमा मोरक्कोसँग बराबरीमा रोकिँदै अंक बाँडेको ब्राजिल यो खेलमा स्पष्ट जित निकाल्दै नकआउट चरणतर्फ आफ्नो कदम बलियो बनाउने दिशामा अग्रसर देखिएको छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस